Artikuluak

BISITA SOZIOKULTURALA EUREKA! ZIENTZIA MUSEORA

 

Arrazoi askorengatik da nahitaezkoa Eureka! Zientzia Museoa bisitatzea.
  1. Azken belaunaldiko Planetarium digitala
  2. Miniaturazko Gipuzkoan paseatzeko aukera.
  3. Arreta pertsonalizatua, begirale-talde profesional baten eskutik.
  4. Bereziki helduentzat diseinatutako jardueren aniztasuna.
  5. Baina, agian, erakargarriena da zientziaren eta teknologiaren arloko edukietara hurbiltzeko aukera ematen duela, modu ezin atseginagoan. Harritu egingo zaituzte, bai edukiak (gure inguruko errealitatetik hurbil baitago), bai bisitan izatea espero dugun sentsazioek

Proposatzen dugun jarduerak bi orduko iraupena du, eta taldeek, gutxienez, 20 lagunekoak izan behar dute.
 
Bisita antolatzeko kontuan izan beharreko alderdi ekonomikoak:
  • Museora sartzeko, 7 € ordaindu behar dira pertsonako.
  • Sarrera doakoa izango da 20 laguneko talde bakoitzaren antolatzaile edo gidari laguntzailearentzat.
  • Museoko begirale profesionalaren zerbitzuak 60 €-ko kostua du 25 laguneko talde bakoitzeko, eta jardueraren bi orduetarako da.
  • Asteartetik ostiralera 12:00etatik 14:00etara edo 15:00etatik 19:00etara egiten diren bisitetan, museoko begirale profesionalaren zerbitzua doakoa da.
1.-Bisita soziokulturalerako proposamenen deskribapena
 
 
 
 
 
Visita_cultural_eureka_zientzia_museoa_03
 
1.- Donostia Planetariumean
Lehenik eta behin, astronomiara hurbiltzeko aukera izango da, Donostia Planetariumak eskaintzen dizkigun simulazio-aukera bikainak aprobetxatuz. Hala, astronomiara hurbiltzeko bi programa izango dira aukeran:
 
  • Eguzki bidaiaria. Simulazio-tresna indartsu honen bidez, hau da, Planetariumaren bidez, gure planetako zenbait latitudetarako bidaia gidatuko du museoko monitore batek, eta, adibidez, gauerdiko eguzkia nolakoa den ikusi ahal izango da, bai eta aurora boreal bat ere, gure besaulkietatik. Horrez gain, bisitaren egunean ikusgai egongo diren konstelazioak ezagutuko dira.
 
  • Zerua gauez eta zerua egunez. Museoko begirale bat izango da gidari astronomiara hurbiltzeko modulu honetan, haurrek egin arren interesik falta ez duten galdera horiei erantzuteko. Nora joaten dira konstelazioak ikusten ez direnean? Zergatik ibiltzen dira beti Eguzkia eta Ilargia zeruko bide berean paseoan? Helburua da ulertzea zergatik ikusten ditugun konstelazio batzuk data batzuetan eta ez beste batzuetan, eta jakitea bisita-egunean zer konstelazio egongo diren ikusgai.
 
Astronomia-saioa biribiltzeko, Planetariumeko Biziaren jatorria programa ematen da.
 
Sinopsia:
Biziaren jatorriaren ikusleek ibilbide zirraragarria egingo dute, biziaren jatorria eta denboran zehar izan duen bilakaera ikusiz. Eguzki-sistemaren eta Lurraren (gizakiaren bilakaera-lekuaren) jatorrietatik hasi, eta beste planeta batzuetan bizia bilatzeraino. Aukera paregabea galdera garrantzitsuei erantzuteko: “Nondik gatoz eta nora goaz?”
 

     2.-Bisita gidatua Hipatia eremura eta esperimentu-saioa  

 

Mujer_bilingue

Eureka! Zientzia Museoa museo erakargarria da, eta hango erakusketa iraunkorrari Hipatia izena eman diogu, Alexandriako liburutegiko azken liburuzaina eta lehen emakume zientzialari modernoa izan zenarena. Hipatiarako bisitan, emozioak ezagutzari gehitzen zaizkio, eta, hala, aukera dugu gure inguruko zientzia eta teknologiaren sekretu txikiak ulertzeko. Zenbait gairi erantzuten zaie, hala nola:
  • Zer dute berdina jostunek eta zientzialariek?
  • Uste duzue gai zaretela mundua mugitzeko esku bakarrarekin? Posible dela iruditzen zaizue?
  • Gauez zergatik ikusten dute hobeto txakurrek gizakiek baino?
  • Zergatik ematen dituzte deskargak autoak edo garbigailuak, ukitzen ditugunean?
  • Zerk hondorarazi lezake itsasontzi bat minutu gutxian, ekaitzik egon gabe?
Bisitaren etenaldi batean, hainbeste ezagutzaren artean erlaxatzeko, Darwing aretora eramango zaituztegu, esperimentatzera. Zientzia-trikimailu txikiak erakutsiko dizkizuegu, denak harrituta utz ditzazuen etxean errepikatzen dituzuenean. Proposatzen dizkizuegun esperimentu guztiak tresna normalekin egiten dira: sardexkak, edalontziak, ura, papera eta ardoa.

Erreserbak egiteko edo zalantzak argitzeko, deitu telefono honetara, museoa irekita dagoen orduetan. 943 01 24 78

Heluen talteko foiletua jeisteko, sakatu hemen.